Matthew 6:5-15

5 "Ke kowos pre, nimet pre oana ke mwet wosounkas elos oru uh! Elos lungse tuyak ac pre ke lohm alu ac ke sruwasrik inkanek uh tuh mwet nukewa in liyalos. Pwayena nga fahk nu suwos, elos eis tari molin orekma lalos. 6 A ke kom pre, utyak nu infukil sum, kaliya srungul uh ac pre nu sin Papa tomom su in lukma. Ac Papa tomom, su liye ma kom oru in lukma, El fah sot mwe moul nu sum.

7 "Ke kowos pre, nimet orekmakin kas puspis su wangin kalmac oana ke mwet pegan elos oru. Elos nunku mu god lalos elos ac lohngolos ke sripen loes pre lalos. 8 Nimet kowos oru oana elos. Papa tomowos El etu tari ma kowos enenu meet liki kowos siyuk sel. 9 Ke ma inge kowos pre ouinge:

‘Papa tumasr su inkusrao;

Eelos oal pwaye;

10 Tokosrai lalos tuku;

Ma lungse lalos in orek fin faclu, ou elos oru inkusrao.

11 Kite kut len se inge ma kut mongo misenge.

12 Ac nunak munas nu sesr ke ma koluk lasr,

Oana kut nunak munas nu sin mwet su orekma koluk nu sesr.

13 Ac tia kol kut in mwel, a eiskutla liki ma koluk!’*6:13 ma koluk: kalmac pa ku lun Satan. [Tuh Tokosrai lalos, ac ku, ac wolana ma pahtpat, Amen.]*6:13 Tuh Tokosrai ... Amen: kas inge wangin ke leng eomeet ah.

14 "Kowos fin nunak munas nu sin mwet su orekma koluk nu suwos, Papa tomowos su inkusrao El ac fah oayapa nunak munas nu suwos. 15 A kowos fin tia nunak munas nu sin mwet uh, na Papa tomowos El ac fah tia pac nunak munas ke ma koluk ma kowos orala uh.