33 Ke mwet uh fahsr liki eol mutal Sinai, elos fahsr len tolu. Pacl nukewa Tuptup in Wuleang lun LEUM GOD pa fahsr meet lukelos in akkalemye acn elos ac aktuktuk we. 34 Ke elos ac fahsr liki kais sie acn elos aktuktuk we, pukunyeng lun LEUM GOD oan faclos ke len uh.

35 Pacl nukewa ke Tuptup in Wuleang ac mukuiyak uh, Moses el ac fahk, "LEUM GOD, tuyak ac akfahsryelik mwet lokoalok lom, ac oru tuh elos su srungakom in kaingelik!"✝ 36 Na pacl nukewa ac tui uh, el ac fahk, "LEUM GOD, foloko nu yurin mwet tausin puspis su sou lun Israel."