Lulalfongi In LEUM GOD
1 Tulik nutik, nimet mulkunla ma nga luti nu sum. Esam ma nukewa ma nga fahk nu sum in oru. 2 Mwe luti luk ac fah akloesye moul lom ac akinsewowoye. 3 Nimet lela kulang ac inse pwaye in wanginla liki kom. Kapriya inkwawom, ac simusla insiom. 4 Kom fin oru ouinge, kom ac fah ohi yurin God ac mwet uh.3:4 Lk 2:52
5 Lulalfongi LEUM GOD ke insiom kewa. Nimet lulalfongi etu lom sifacna. 6 Esam LEUM GOD in ma nukewa kom oru, ac El ac fah akkalemye inkanek suwohs nu sum. 7 Nimet sifacna nunku mu kom arulana fas in lalmwetmet lom; akos LEUM GOD ac fahsr liki ma koluk.3:7 Rom 12:16 8 Kom fin oru ouinge, ac fah akkeye monum, ac sot ku nu sum.
Domínio Público. Esta tradução bíblica de domínio público é trazida a você por cortesia de eBible.org.