Ruth El Konauk Mukul Se Tumal
1 In kutu pacl tok, Naomi el fahk nu sel Ruth, "Nga enenu in konauk sie mukul ah tomom, tuh in wo ouiyom ac in oasr acn sum sifacna. 4 Liye akwoye acn el ac oan we an, ac el fin motulla, na kom utyak ikasak kaot lal an ac ona ke nial.3:4 ikasak kaot lal ac ona ke nien mwet se: Kalmac pa el suk tuh mwet se ma el oan ke nial ah in kasrel ku karinganulang. El ac fah fahk nu sum ma kom in oru."
9 Na el siyuk, "Su kom an?"
Na el topuk ac fahk, "Nga Ruth. Mweyen kom pa sie sou fototo nu sesr uh, laknelik kaot lom an ac afinyuwi."
10 Na Boaz el fahk, "LEUM GOD Elan akinsewowoye kom, acn nutik. Ma se kom oru inge akkalemye lupan nunak pwaye lom nu sin sou lasr uh yohk liki na orekma wo nukewa ma kom oru nu sin nina talupom. Kom ku pacna in som suk sie mwet fusr su kasrup ku sukasrup, tuh pa kom tiana. 11 Ke ma inge, Ruth, nimet kom fosrnga. Nga ac srike in oru ma nukewa ma kom siyuk an, mweyen mwet nukewa in acn se inge elos etu lah kom sie mutan wo. 12 Pwaye lah nga sou fototo nu sum, ac fal nga in karingin kom, tusruktu oasr pac mukul se sou fototo nu sum likiyu.3:12 Rut 2:20 13 Mutana inge ofong, ac lututang kut fah liye lah mukul sac ac lungse in karingin kom. El fin lungse, wo. Tuh el fin tia, na nga fulahk ke Inen LEUM GOD moul lah nga ac fah karingin kom. Inge ona ac motulla nwe ke lenelik."
15 Na Boaz el fahk nu sel, "Eisla nuknuk se ma sang afin kom ingan ac laknelik insacn." Ke el laknelik ah Boaz el okoaung sunun paun lumngaul ke barley nu loac, ac kasrel srukak nu finpisal. Na Ruth el us folokla nu in acn el muta we ah.
Domínio Público. Esta tradução bíblica de domínio público é trazida a você por cortesia de eBible.org.