Tito 2

11 Tuh God El akkalemye tari lungkulang lal ke El ase molela nu sin mwet e nukewa. 12 Lungkulang lal luti kut in fahsr liki ma lungse lun faclu ac ouiyen moul ma pilesru God; ac tuh kut in karingin kut sifacna, ac moulkin moul suwohs ac mutal fin facl se inge 13 ke kut tupan Len insewowo se kut finsrak kac, ke wolana lun God Fulat lasr ac Jesus Christ Mwet Lango lasr fah sikme. 14 El sifacna eisalang kacsr tuh elan molikutla liki ma koluk nukewa, ac oru tuh kut in mwet nasnas su ma lal mukena, ac kena in oru ma wo.✝2:14 Psa 130:8; Exo 19:5; Dut 4:20; 7:6; 14:2; 1 Pet 2:9