Aruruma Ke Chariot Akosr
1 Oasr pac sie aruruma nga liye. In aruruma se inge nga liye chariot akosr sasma liki inmasrlon eol bronze lukwa. 2 Chariot soko meet ah amakinyuk sin horse srusra, ac ma soko aklukwa ah sin horse sroalsroal,6:2 Fwack 6:4; Fwack 6:5 3 ma soko aktolkwe ah sin horse fasrfasr, ac ma soko akakosr ah amakinyuk sin horse tuhntun.6:3 Fwack 6:2 4 Na nga siyuk sin lipufan sac, "Leum luk, mea kalmen chariot inge?"
5 Ac el fahk, "Eng akosr faclu pa inge. Eng inge tufahna tuku liki ye mutun Leum lun faclu nufon."6:5 Fwack 7:1
6 Chariot se ma amakinyuk sin horse sroalsroal uh ac som nu epang nu Babylonia, ac horse fasrfasr uh ac som nu roto, ac horse tuhntun uh ac som nu in acn eir. 7 Ke horse tuhntun uh ilme ah, eltal arulana elyala eltal in tari som ac tuni lah mea orek faclu. Na lipufan sac fahk, "Komtal fahla ac liye lah mea orek fin faclu!" — na eltal som. 8 Na lipufan sac wowome nu sik ac fahk, "Horse ma som nu epang nu Babylonia, elos akmisyela kasrkusrak lun LEUM GOD."
Domínio Público. Esta tradução bíblica de domínio público é trazida a você por cortesia de eBible.org.