13 అప్పుడ్ ఆ దండి పామ్నె మూతితనట్, క్రూర జన్వరనె మూతితనట్, పైలి కబుర్లక్నె మూతితనట్ పందె లంఙ్ కండ్కెరెక ముది ఆ అపవిత్ర ఆత్మ వాక వారెకవున్ ఓల్తన్. 14 అద్ కమాల్త సమత్కల్ ఇదరెక బూతులె ఆత్మలీ. సక్తిత దెయ్యమ్నె దండి దినముంఙ్ జర్గిలెకా యూద్దముంఙ్ దున్యత అనెకా రాజక్ సాదరున్ కలయెంఙ్ ఔర్వై చెరెకా ఆత్మలి అదా.
15 విండ్ర! అన్ డొంఙలంఙ్ వార్సాత్ పది మందినంత్తి లజ్జంఙ్ వతరెక పాని తోసెటా, వాక చెద్దె తన్నె దుడకీ కండ్కెరెంఙ్ ఇడ్సెటా ఉసారడ్ అన్సాద్ జుఙ్ఙె తొడుత్ అనెకది ఆసిర్వా సుందద్. 16 హీబ్రు గొట్టి హర్ మెగిద్దోన్ ఇన్నెక పేరు అనెక జాగత ఆ రాజూ సిమ్కనన్ మిరప్తెర్.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)