అపొస్తు 8

18 అపొస్తులున్ తమె కేయ్యులున్ ఔర్పొయి ఇంట్ వెంటాయ్ ఔరున్ పవిత్ర ఆత్మవారేకాంద్ సీమోన్ పేతురు యోహాన్ ఓలుత్, అప్పుడ్ అన్ ఇంముంఙ్ పైసెల్ సియ్యిస్సత్.

19 ఎరత్తి అనే కేయ్యులిట ప్రతి ఒక్కొనుంఙ్ పవిత్ర ఆత్మ రొబ్బడ్నెతిలాఙ్ ఇందరుతు ఈ అదికార్ అనుగు గిన సియ్యి ఇస్సా వేల్సద్. 20 గని పేతురుంద్ అంనుంఙ్ ఇనంఙ్ ఇడ్తెంద్ దెయ్యంమ్నె వారమును పైసెలాడ్ సుమ్ముస్సత్ ఇస్సా ఇసాతివ్ అంనగ్తీ ఇనే పైసే ఇంన్వెట్ సాత్యనాస ఏక్కద్! 21 దెయ్యంమ్నె కండ్లు ముండట్ ఇన్నె మన్ సోయ్‍తోద్. అనగ్ఎంతి ఈ సేవత్ ఇనుంఙ్ జాగతొతేద్. 22 ఇనే కంప్ట్టిబుద్దిన్ పాపులున్ మాప్కల్ ప్రబున్ పార్తన కాల్. అనట్‍ బుద్దిక్ ఇనంతి కలయుత్ అస్సావ్ ప్రబువు ఇన్ మన్ బద్లిపుర్ వాంద్. 23 ఇనంతి కరాబ్ నిండుత్ అనెకదున్ అన్ ఓల్సానంసాత్. నివ్ దుస్టలెంఙ్ పాపులెంఙ్ గటిలుతు అస్సాతివ్. ఇస్సా ఇడ్సన్. 24 సీమోన్ పేతురుంద్‍ యోహానున్ ఇనంఙ్ ఇస్సాన్. నీర్ ఎద్దవ్ ఇడ్సతిర్ అందవ్ తనయ్ అనుంఙ్ ఏరెగ్తొద్ ఇంత్ అనుంఙ్ సటీ ప్రబునుంఙ్ పార్తన కాల్లురు.