ఎపెసి 1

పౌలునే పార్తన

15 ఈ కరనం వాలడ్ ప్రబున్ ఇనెక యేసునాడ్ ఇమ్మె ఇస్వద్ గురించి పవిత్ర సిమ్కనన్ వాలడ్ ఓలిపెక ప్రేమన్ వాలడ్ అన్ వత్తన్ అత్తరాన. 16 ఈ గొట్టిత్ మద్దెంఙ్ తోద్ ఇసా అన్నె పార్తనత్ దెయ్యముంఙ్ దన్యావద్ ఇడ్సనండాత్. 17 నేండె ప్రబున్ యేసు క్రీస్తు దెయ్యమ్నె, మహిమత బాంద్, తనున్ ఒర్కిలెంఙ్ ఇమున్ ఒర్కిలెంఙ్‍, అనెంఙయ్‍ సోయ్త ఆత్మన్ మన్నున్ సియెంఙ్ ఇసా పార్తన కల్సనండత్.

18 ఇంమ్మె మన్నుత్ వెలంఙ్, నేండె కుగెకదూన్ వాలడ్ ఆస ఏనటదో, పవిత్ర రత్తి అముదు మహిమా తన్నె మందిఙ్ సటీ పార్తన 19 మల్ల విస్వాస్ కలెక నేండున్‍ వాలడ్ పనికలెకా సోయ్త సక్తి ఇద్ది అద్ది సక్తి నెడత్తి పానికల్సాద్, 20 అద్ది సక్తినడ్ క్రీస్తున్ తిక్త తనట్ మల్ల బత్కిపుత్ పరలోకం తన ఉన్న పక్కఙ్ ఉదీప్తేంద్.

21 పూర అదికార్ సర్కరుంఙ్ ఎన ఈ దున్యత్ వారెకా దున్యలున్ పేర్ వయ్త అర్ పేరుంఙ్ ఎన అమ్నున్ ఎత్తెయో పొయ్ ఇదర్సాంద్ 22 వెన్కత్ దెయ్యం దున్యన్‍ క్రీస్తునె గేట్ట బుడున్ ఇడుత్, సంగంత సీమ్కననీ పోదే అమ్నున్ తల్ల లాంఙ్ ఇదర్‍ తెంద్. 23 ఈ సంగం అమ్నే మెన్, పూర నీ అనంఙ్ నిడ్పుత్ అముదు పురా ఇదర్తెంద్.