ఎపెసి 6

10 ఆక్రి తా, ప్రబునె దడ్డీ సక్తిన్ వాలడ్ అంనత్తి జులుంమడి అండ్రు.

11 నీర్ సైతన్ కేదిగోట్‍నె సక్తి ఆపెన్ సటీ దెయ్యం సీయెకా అయుదలున్ తొడుత్న. 12 తానుంఙ్ ఇంతె నేండె జగ్డలున్ మన్కాకెరె నెత్తుర్ రడ్ తోద్. ఇనెడిత చీకటి కలైయ్త దున్యన్ గడిప్త, దొడలడ్, అదికార్లడ్, ఆకాసమండలంలొని కరాబ్ ఆత్మ ముండట్‍ నేండ్‍ జగ్డ ఇదర్సతుమ్. 13 అదుహీ నీర్ ఈ అపతి కాలముత్ ఔరున్ అర్చీపుత్, సక్తి అనెకర్లాంఙ్ ఇల్లుత్ అనెంఙ్ సలెకద్ దెయ్యం సియ్తా తొడుప్ వస్తున్ తొడుర్.

14 ఇమ్మె ముల్కెన్ నీతి ఇనెకద్ కట్టుత్, మోదడ్ ఇనెకా కవచం, 15 గేట్టలున్ కుసీత సాంతిత కబుర్ సటీ సంజిపత్ ఇనెకా కెర్రీక్ తోడుర్. 16 అదవున్ సంఙ్ దుస్మన్లున్ ఇడ్డెక కిస్తా బానాలున్ అండమ్ ఎరెంఙ్ సటీ సంఙ్ విస్వాసం ఇనెక డాల్ సుంముర్. 17 ఇంక రక్సన ఇనెక ముకుట్, దెయ్యమ్నె వక్యమ్ ఇనెక ఆత్మకడ్గం తొడుర్.