3 బాంద్ తనుంఙ్ పురా అదికార్ సియ్‍తెతి యేసునుంఙ్ కరిల్‍తిన్. తన్ దెయ్యం తనట్ వత విసయమ్, తిర్గుత్ అమ్నున్వై సెసాత్ ఇనెక విసయమ్ అమ్నుంఙ్ ఒర్కి. 4 అదుంఙ్ ఎత్తి అముదు తినెకరె పంగత్ తన సుల్‍తెద్. తన్నె పొలహ జుఙ్ఙెలున్ పుసుత్, ఒక్కొ దుతన్ ముల్కెత్ చుట్‍తెద్. 5 అదుంఙ్ వెన్కత్ ఒక్కొ దండి తైలత్ ఈర్ వగుంత్ తన్నె సిసులె గెట్టలొడ్పెంఙ్ సురుకతెంద్. ముల్కెత్ కట్‍త కడ్వనాడ్ ఔరె గెట్టలున్ ఉసుమ్తెంద్.
12 యేసుంద్ ఔరె గెట్టలొడుత్, తన్నె జుఙ్ఙెలున్ సుముత్ నియం ప్రకరం ఉదుత్న, ఔరున్, "అన్ ఇముంఙ్ సటీ తగాత్తనో ఇముంఙ్ కారిల్తినా?" 13 నీర్ అన్ ఇడ్డెకంద్, ప్రబుంద్ ఇసా సొయి కుఙ్ సాతిర్. 14 ఇడ్డెక, ప్రబునన్ జీమెదర్ అన్ ఇమ్మె గెట్ట లొట్టె, నిర్‍నై ఒక్కొనె గెట్టలొక్కొద్ ఒడెంఙ్. 15 అన్ ఇముంసటి కత్తెతి నిర్‍నై కలెంఙ్ ఒక్కొ నమొన ఇడ్‍తన్. 16 అన్ ఇముంఙ్ కరెయ్ ఇడ్సాత్, గడియక్ తన్నె మాల్కకుంఙ్ ఎన దొడంద్‍ తొద్. కబుల్లాకెర్ అంనున్ పన్కతనుంఙ్ ఎన సోయ్తద్ ఎరెద్. 17 ఈ విసాయ ఇముంఙ్ ఒర్కియ్ అదుంఎత్తి, అనాయ్ కత్తిరింత్తె నీర్ బాగ్యివన్ల.