21 బాంద్ తిక్తరున్ పానం కత్తెతి పోరక్నాయ్ తనుంఙ్ ఇస్టంవత్తరున్ బత్కిప్సాంద్. 22 "అంత్తెయ్ ఎరెకడ, బా ఎరునీ న్యాయ్ కలెద్. గని న్యాయ్ కలెంఙ్ కీకెంఙ్ పూర అదికార్ సియ్‍తెంద్. 23 బానుంఙ్ మన్‍ సియ్‍త్తెతి కీకెంఙ్ మన్ సియెంఙ్ ఇసా ఇనంఙ్ కతెంద్. కీకెంఙ్ మన్ సియ్యెదో, ఆ కీకెన్ పన్కత తాకుంఙ్‍నాయ్ మన్ సియ్సెటాద్ లాఙ్ ఎద్దద్" ఇసా ఇంతెంద్.

24 యేసుంద్, ఇద్‍ కరెయ్. అన్నె గొట్టిక్ విత్న అన్ పన్కతనున్ పొయ్ బరొస ఇడ్డెకనుంఙ్ ఎప్పుడి అనెకా పానం రొంబాడద్. అంటనుంఙ్ సిక్స వరేద్. ఇంతె అముదు తికెకాదున్ గెలుత్ ఎప్పుడి తిక్సెట పానం వద్దాంద్. 25 ఇద్ కరెయ్. దెయ్యమ్నె పోరకుఙ్ అవజ్ తిక్‍త్తెన ఔర్ వినెక కాలం వర్సనంసాద్. పంగినీ వత్తిన్. ఆ అవజున్ వింతర్ కొత్త బత్కున్ సుమ్‍దర్.

26 తానుంఙ్ ఇంతె, పానం బాంద్ ఎనంఙ్ మోదలొ అనాయ్ కీకెనాయ్ పానముంఙ్ మొదల్ పడ్‍సా. కీకెన్ మొదల్‍ పడ్‍సా ఇదర్‍తద్ తాకి! 27 మన్కనె పోరక్ ఎన్నెంద్ అదుంఙ్ ఎత్తి తక్ అమ్నుంఙ్ న్యాయ్ కలెకా అదికార్ సియ్‍తెంద్. ఆమ్నె లేఙున్ వినేకా కాలం వరెకాద్ అన్సాద్. 28 గుల్‍ఎన్నెర్! తప్నెత్ అనెకార్ సదర్ అమ్నె లేఙున్ వినెకా కలం వర్సన్సాద్ 29 అనంఙ్ విన్తర్ వాక వదర్ సోయ్ కత్తర్ ఎప్పుడి పానముంఙ్ సాటి సుల్దర్. కరాబ్ కత్తర్ ఎప్పుడి సిక్స పడెంఙ్ తిక్తతన సుల్.

30 అన్ తనయ్ కలెతన్. అన్ దెయ్యం ఇడ్ ‍ఇంతదూహీ ఇడ్‍సాత్. అదుంఙ్ ఎత్తి అన్నెత్‍ న్యాయ్ ఎద్దిన్. ఎరెకాద్ అన్నె మన్‍డ తోద్. అన్ అన్న పన్కతనె నీతి కుసీ కొరెంఙ్ వత్తన్.

31 అన్నెత్ అని సాక్సం ఇడ్తె అదుంఙ్ సత్తెం అన్నెద్.