లూక్ 7

యేసుంద్‍ రండేరలే పోరకున్‍ బాత్కిపెకంద్

11 మరొక్కొ జీర్‍ యేసుంద్‍ నాయీన ఇనెక ఊరుఙ్‍ సెద్దెంద్ అమ్నె సిసు అని మనక్కకేర్‍ గార్డి అమ్మున్‍ వెంట చెన్నేర్‍. 12 అముదు ఊర్ మెరా వారెంఙ్‍ తిక్ తా మన్కక్‍ ఒక్కొరున్‍ మన్కకెర్‍ కొస్నేర్‍. తిక్ తా మన్కక్‍ అమ్నే అమ్మంఙ్‍ ఒక్కొది పోరక్‍ అండేద్‍ అని అద్ద రాడేరహ పిల్లా అండిన్‍ ఊర్‍ మంది అమ్నువెంట అండేర్‍. 13 ప్రబుద్ అమ్ను ఓలుత్న అమ్మున్‍ పోయ్‍ కివ్ కత్నా అమున్‍ ఇత్తేంద్‍ అర్నేమ్‍.

14 యేసుంద్‍ వాత్నా సాటాన్‍ పుడుక్తెంద్. కొసేక మన్కకెర్‍ ఇల్తేర్‍ మల్ల అముదు ఇంతేంద్‍ ఎ మిడెగి పొర అన్ ఇనుంఙ్ ఇడ్సత్ సుల్. 15 తిక్త పోరక్ సుల్తెంద్ అని ఉద్దూత్ ముడెంఙ్ ఎద్దెంద్ యేసుంద్ అమ్నున్ అమ్నె అమ్మ నత్తి సియ్తెంద్. 16 ఔరుంఙ్ అర్రి వత్తిన్ అని ఔర్ దెయ్యముంఙ్ స్తుతి కత్న ఇంతెర్ దండి సందేస్టక్ నేండున్‍ లోప ప్రవక్తక్ సుల్‍తెంద్ అని దెయ్యం తన్నె మన్కకెరున్ మదత్ కాలెంఙ్ వతెంద్. 17 యేసునున్ బదోల్ గొట్టిక్ సిమ్కన యూదు అని తిర్‍గొరత సిమ్కన బార్సలెంఙ్ అని ఊలెంఙ్ నెరయ్‍తున్.