6 Peninnah e haganneennee Hannah, e hagahuaidu mo di hagateetee a mee, idimaa Dimaadua dela digi dumaalia gi mee dahi dama.
10 Hannah e lodo huaidu huoloo, gei e hai ana dalodalo ang gi Dimaadua i lodo dono manawa dangidangihia.
13 Hannah e dalodalo i di lee haga moolee, ono malau ngudu la hua ala e ngalungalua gei de longono dono lee, gei Eli ga hagamaanadu bolo mee e libaliba, 14 gei mee ga helekai gi Hannah, "Goe hudee inuinu nia waini, gi de libaliba hua goe giibeni!"
15 Gei Hannah ga helekai gi mee, "Meenei, au hagalee libaliba, gei au hogi hagalee inuinu nia waini. Au guu noho i lodo dogu haingadaa, au e hai agu dalodalo ang gi Dimaadua, e hagi anga gi Mee ogu lodo huaidu huoloo.
18 Gei Hannah ga helekai gi Eli, "Gi langahia laa e goe dau ahina hai hegau deenei i nia madagoaa huogodoo." Gei Hannah gaa hana i lodo dono manawa tenetene, guu mee hua di miami.
20 Malaa, Hannah gaa hai dama, ga haanau mai dana dama daane, gaa gahi dono ingoo bolo Samuel1.20 Samuel di ingoo deenei dono hadinga i nnelekai Hebrew boloo, "God e hagalongo mai" mo di helekai boloo, "Di mee ni aagu ne dangidangi gi Dimaadua."
Domínio Público. Esta tradução bíblica de domínio público é trazida a você por cortesia de eBible.org.