Hudee haga puni ang gi digau o di bouli
14 Goodou hudee haga puni ang gi digau ala hagalee hagadonu, idimaa, e deemee di hai beenei. Di tonu e deemee di haga puni ang gi di haihai hala. Di maalama e deemee di haga puni ang gi di bouli. 15 Christ mo Setan e deemee di donu gi dahi mee. Tangada hagadonu mo tangada de hagadonu e deemee di hai mee gi di mee e dahi. 16 Di Hale Daumaha o God mo nia balu god e deemee di haga puni. Idimaa, aanei go gidaadou di hale daumaha a God Mouli, be di hai a God dela ne helekai boloo,6.16 Leviticus 26.12; Ezekiel 37.27; 1 Corinthians 3.16; 6.19
"Au gaa hai dogu hale i nadau baahi,
gei Au gaa noho i baahi digaula.
Au gaa hai di God ni digaula,
gei digaula gaa hai nia daangada ni aagu."
17 Dimaadua gu helekai boloo,
"Goodou gii huli gi daha mo digaula,
gei gi maewae gi daha mo digaula.
Goodou hudee tale gi nia mee gulugulua i baahi digaula,
gei Au ga hai mee gi goodou.6.17 Isaiah 52.11
Domínio Público. Esta tradução bíblica de domínio público é trazida a você por cortesia de eBible.org.