7 Nathan ga helekai gi David boloo, "Ma kooe dela go taane deelaa, gei Dimaadua go di God o Israel e helekai boloo, ‘Au gu hagatulu goe e hai di king o digau Israel, gei Au gu haga dagaloaha goe gi daha mo Saul. 9 Goe e aha dela gu haga balumee agu haganoho? Goe e aha dela hua guu hai di huaidu deenei i mua ogu golomada? Goe dela gu daaligi a Uriah i lodo tauwa, goe gu dumaalia a mee gi digau Ammon bolo gi daaligi gii made, gei goe gaa kae di lodo o maa ga hai lodo ginai! 10 Malaa, deenei laa, hunu gau i lodo nia adu daangada o digau o doo hale gaa mmade huaidu, mai i dau hai huaidu e haga balumee Au, gaa kae di lodo o Uriah, ga hai lodo ginai.
13 Nomuli gei David ga helekai adu gi Nathan, "Au guu hai dagu huaidu gi Dimaadua."12.13 Pisalem 51.1
Gei Nathan ga helekai gi mee, "Dimaadua la gu dumaalia adu o huaidu, goe hagalee made. 14 Gei di maa kooe dela ne haga balumee di dabuaahia o Dimaadua i dau hai deenei ne hai, dau dama dela gu haanau le e made."
Domínio Público. Esta tradução bíblica de domínio público é trazida a você por cortesia de eBible.org.