14 Tangada e dahi i digaula dela ne longono gimaadou la go Lydia mai Thyatira, dana moomee e huihui gi daha ana gahu angauli. Mee di ahina e dadaumaha ang gi God, gei Dimaadua gu hagamahuge ono lodo gi hagalongo hagahumalia gi nia mee a Paul ala e helekai ai. 15 Muli o mee mo digau o dono hale ne babdais, mee ga hagagahi gimaadou, "Lloomoi, noho i dogu hale, maa goodou e hai bolo dogu hagadonu a Dimaadua la guu donu." Gei mee gaa hai gimaadou gii hula gi dono hale.
30 Gei mee gaa lahi meemaa gi malaelae, ga heeu gi meemaa, "Goolua nei, au e hai dagu aha, gei au ga mouli?"
31 Gei meemaa ga helekai gi mee, "Hagadonu ina Tagi go Jesus, gei goe mo digau doo hale huogodoo ga mouli." 32 Gei meemaa ga agoago nia helekai Dimaadua gi mee mo digau dono hale. 33 Di boo hua deelaa, gei tangada hagaloohi gaa lahi meemaa ga gaugau nau gowaa moholehole, gei mee mo digau o dono hale huogodoo gu babdais i di madagoaa hua deelaa.
Domínio Público. Esta tradução bíblica de domínio público é trazida a você por cortesia de eBible.org.