Exodus 20:3-11

3 Goodou hudee hai god hua gee mo Au.

2 4 Goodou hudee hai god gi nia ada o

tei mee i di langi i nua be i henuailala,

be i lodo di moana o lala henuailala.✝20.4 Exodus 34.17; Leviticus 19.4; 26.1; Deuteronomy 4.15-18; 27.15

5 Hudee pala ginai be e daumaha ginai,

idimaa, deenei Au go Yihowah

go di godou God, di God dubua.

Digau ala ma ga ginagina i di Au,

gei Au ga hagaduadua digaula

mo nadau hagadili gi muli gaa dae loo

gi di tolu mo di haa adu dangada.✝20.5 Exodus 34.6-7; Numbers 14.18; Deuteronomy 7.9-10

6 Gei Au e dumaalia hua gi nia mada

haanau e mana o digau ala e aloho

i di Au ge e haga kila aga agu haganoho.

3 7 Goodou hudee hai hegau ihala

gi dogu ingoo,

idimaa ko au go Yihowah go di godou

God dela e hagahuaidu tangada

dela ma ga hai hegau ihala dogu ingoo.✝20.7 Leviticus 19.12

4 8 Gi langahia di Laangi Sabad,

heia gi dabuaahia.✝20.8 Exodus 16.23-30; 31.12-14

9 Heia godou moomee gii lawa i lodo

nia laangi e ono.✝20.9 Exodus 23.12; 31.15; 34.21; 35.2; Leviticus 23.3

10 Gei di hidu laangi

la di laangi hagamolooloo,

e haga dabu ai goodou mai gi di Au.

Deai tangada i goodou

e hai ana moomee ai,

goodou mo godou dama

mo godou gau hai hegau mo godou manu,

mo digau mai i daha ala e noho goodou.

11 Go Au ne hai di langi mo henuailala

mo di moana mo ono mee huogodoo

ala i ono lodo i nia laangi e ono,

ga hagamolooloo i di hidu laangi,

deelaa dagu mee ne hagahumalia ai

di Laangi Sabad gaa hai gi dabuaahia.✝20.11 Genesis 2.1-3; Exodus 31.17

5