Nia lamu gai dangada
16 Dimaadua ga helekai gi Moses, "Hai gi Aaron bolo gi hagamaawa dia di gelegele gi dana dogodogo, gei nia gelegele gaa huli gaa hai nia lamu gai dangada i hongo Egypt hagatau." 17 Gei Aaron ga hagamaawa di gelegele gi dana dogodogo. Nia gelegele o Egypt huogodoo guu hai nia lamu, gu buni hua i nia gili o nia daangada mono manu. 18 Digau hai mogobuna guu hai nadau mogobuna labelaa bolo gii hai nia lamu, ge deemee. Nia lamu gu honu hua i nia gowaa huogodoo, 19 gei digau hai mogobuna ga helekai gi di king, "Di mee deelaa di mee mai God!" Gei di king e lodo hamaaloo hua igolo, hagalee loo e hagalongo gi Moses mo Aaron be nnelekai Dimaadua ala ne hai.8.19 Luke 11.20
Domínio Público. Esta tradução bíblica de domínio público é trazida a você por cortesia de eBible.org.