5 Dahi laangi hua, gei Joseph gaa hai dana midi, gei di madagoaa mee gaa kai gi ono duaahina, digaula gu hagawelewele huoloo gi mee. 6 Mee ga helekai gi digaula, "Hagalongo malaa gi di midi dela ne hai ko au: 7 Gidaadou nogo i lodo di gowaa dogi mee. Gidaadou e noonoo tadau uumee ‘wheat’, gei dagu uumee ‘wheat’ e duu donu gi nua, gei godou uumee ‘wheat’ e haganiga mai daha e pala gi dagu uumee ‘wheat’."
8 Gei digaula ga heeu adu gi mee, "Goe e hagamaanadu bolo goe gaa hai di king e dagi gimaadou?" Digaula gu de hiihai huoloo gi mee i dana midi deenei mo ana helekai ala ne hai i nadau gili.
9 Joseph gaa hai labelaa dana midi, gaa kai ang gi ono duaahina, "Au guu hai labelaa dagu midi, bolo au e mmada gi di laa mo di malama mo nia heduu e madangaholu maa dahi, ala e pala gi lala mai gi di au."
Domínio Público. Esta tradução bíblica de domínio público é trazida a você por cortesia de eBible.org.