Joseph e haga manawa lamalia ono duaahina
15 I muli hua di made o tamana digaula, gei nia duaahina o Joseph ga helekai, "Dolomaa Joseph e dadaahi hua i golo dono hagawelewele mai gi gidaadou, gaa hai dana hagababa bolo ia gaa tala di hui mai gi gidaadou i tadau hai huaidu dela ne hai gi mee." 17 gei mee gu boloagi mai gi gimaadou bolo gimaadou gi tangi adu gi di goe boloo, ‘Goe gi dumaalia ang gi o duaahina, i di huaidu digaula dela ne hai adu gi di goe.’ Malaa, goe ga aloho mai gi gimaadou, ga dumaalia mai gi gimaadou i di madau mee hai hala dela ne hai go gimaadou, aalaa go nia hege o di God o do damana." Joseph ga longono ia tegau deenei, geia guu dangi huoloo i ono lodo.
19 Joseph ga helekai gi digaula, "Goodou hudee mmaadagu. Au e deemee di pono di lohongo o God. 20 Goodou ne hai di godou hagababa bolo goodou e hai mai gi di au di huaidu, gei God guu huli di maa gii hai di mee humalia, belee hagahumalia ai nia mouli o digau dogologowaahee ala e mouli dolomeenei, mai i di mee dela ne hai. 21 Goodou hudee mmaadagu, au ga madamada humalia i goodou mo godou dama." Deelaa di hai a Joseph ne haga manawa lamalia digaula gi nia helekai humalia aalaa, gei ogo digaula gu manawa lamalia.
Domínio Público. Esta tradução bíblica de domínio público é trazida a você por cortesia de eBible.org.