Hebreus 9

16 Maa di boloagi ga i golo, e hai gi hagamodongoohia bolo e donu bolo tangada dana boloagi la guu made. 17 Maa tangada dana boloagi le e mouli hua igolo, di boloagi e hagalee mogobuna. Di boloagi le e mogobuna hua i muli tangada dana boloagi la guu made. 18 Dela tadinga di gila o di hagababa matagidagi, le e mogobuna hua mai nia dodo. 19 Matagidagi, gei Moses ne dau gi digaula nia haganoho huogodoo ala i lodo di Beebaa Haganoho, ga nomuli, gei mee ga hai hegau gi di lau laagau hisop mo nia huluhulu siibi ala e mmee, ga daalo gi lodo nia dodo kau mo kuudi, ga unugi gi nia wai, ga dahi aga, ga hagatulutulu di Beebaa Haganoho mo nia daangada huogodoo.✝9.19 Exodus 24.6-8 20 Gei mee ga helekai,

"Aanei nia dodo ala e hagamodongoohia

di hagababa dela ne helekai ai God

bolo goodou gi daudalia le e donu."