12 "Di king o Babylon, di heduu maahina o di luada, goe guu doo iha gi daha mo di langi! I mua, goe nogo hagamagedaa nia guongo ala i golo, dolomeenei gei goe guu hudu gi lodo di gelegele.14.12 Hagagida 8.10; 9.1 13 Goe gu hagamaanadu bolo goe gaa gaga gi di langi gi bahi i nua nia heduu mugi nua loo, gaa dugu do lohongo king. Goe gu hagamaanadu bolo goe gaa noho be di king i hongo di gonduu dela i bahi i ngeia, di gowaa e dagabuli ai nia god. 14 Goe gu helekai bolo goe gaa gaga gi hongo nia gololangi gii hai be di Gowaa Aamua. 15 Gei deeai, goe guu lahi gi di gowaa kaedahi llala o tenua digau mmade.14.15 Matthew 11.23; Luke 10.15
Domínio Público. Esta tradução bíblica de domínio público é trazida a você por cortesia de eBible.org.