Isaiah 53:1-5

Taahili i Tangada Hai hegau

1 Nia daangada ga helekai boloo,

"Ma koai dela belee hagadonu tadau longo

dela e hagi aga dolomeenei?

Ma koai dela gu gidee nia mee

Dimaadua ne hai gi ono lima?✝53.1 John 12.38; Romans 10.16

2 Di mee deenei la go di hiihai ni Dimaadua

bolo dana Dangada Hai hegau le e tomo be di laagau

dela e taa ono aga gi lodo di gelegele maangoo.

Deai di mee e hagamadamada a Mee ai,

e deai di mee e hai gidaadou gi hiihai gi Mee ai,

e deai di mee e haga hoohoo gidaadou gi Mee ai.

3 Gidaadou gu haga balumee a Mee,

ge gu haga de iloo gidaadou a Mee.

Mee gu duadua i dono hagaduadua ge mmae.

Deai tangada e dahi e mmada gi Mee ai.

Gidaadou gu haga de iloo a Mee

guu hai a Mee be di balumee.

4 "Gei Mee gu duadua i di hagaduadua

dela belee hai di mee ni gidaadou,

Mee guu kae di mmae dela belee kae go gidaadou.

Gei ogo gidaadou nogo haga mamaanadu

bolo di hagaduadua o Maa laa mai hua i baahi o God.✝53.4 Matthew 8.17

5 Gei Mee gu haga mmaemmae mai i tadau huaidu,

gu dadaaligi i nia huaidu ala ne hai go gidaadou.

Gei gidaadou ne hai gii donu go dono hagaduadua,

ne haga hili go nia moholehole i dono gili.