Joel 2

Dimaadua e gahigahi digaula gii huli hoou

12 Dimaadua ga helekai, "Dolomeenei, goodou gii huli hoou donu. Lloomoi gi di Au, i lodo godou haga onge, tangitangi mo di manawa gee. 13 Godou lodo huaidu la gi haga modongoohia aga godou manawa gee. Di godou hahaahi godou gahu la hagalee dohu."

Goodou huli gi muli gi Dimaadua di godou God. Ma go Mee dela e honu i di aloho mo tumaalia. Mee e hila gi lala hagakono di manawa, ge e daahi ana hagababa. Nia madagoaa huogodoo, gei Mee e haga togomaalia e dumaalia, hagalee hagaduadua.