7 Di ahina Samaria ga hanimoi, belee udu ana wai, Jesus ga helekai gi mee, "Gaamai hunu wai e inu."
9 Di ahina ga helekai, "Goe tangada o Jew, gei au tangada Samaria, malaa Goe e madau au wai mai gi di au behee?" (Digau o Jew hagalee hai hegau gi nia ibu mo nia boolo o digau Samaria ala e hai hegau ai.)4.9 Ezra 4.1-5; Nehemiah 4.1-2
10 Jesus ga helekai gi mee, "Maa goe e iloo di mee a God dela e wanga, ge e iloo ma koai dela e madau ana wai, goe gaa dangi gi Mee, gei Mee ga gowadu nia wai haga mouli."
16 Jesus ga helekai gi mee, "Hana, gahigahia mai doo lodo, lloomoi."
17 Di ahina ga helekai, "Dogu lodo ai."
Jesus ga helekai, "E donu go dau helekai bolo goe doo lodo ai. 18 Gei goe gu hai lodo gi nia daane dogolima, gei taane dela e noho goolua dolomeenei, la hagalee di lodo donu ni oou. E donu go au helekai."
26 Gei Jesus ga helekai, "Deenei Au go Mee, dela e helehelekai adu."
29 "Lloomoi, mmada gi Taane dela ne hagi mai agu mee huogodoo ala nogo hai. Mee hagalee go di Mesaia?"
Domínio Público. Esta tradução bíblica de domínio público é trazida a você por cortesia de eBible.org.