11 Tangada di langi o Dimaadua ga hanimoi gi di waahale dulii go Ophrah, gaa noho i lala di laagau ‘oak’ a Joash, taane ni di madahaanau o Abiezer. Tama daane a maa go Gideon le e aau ana palaawaa i di gowaa e ngala, di gowaa dagahi waini, bolo gi dee mmada digau Midian ang gi deia. 12 Tangada di langi o Dimaadua ga hagagila gi mee i golo, ga helekai, "Taane haga mataane gei e maaloo, Dimaadua le e madalia goe!"
22 Gideon ga iloo ia bolo ma Tangada di langi ni Dimaadua dela ne mmada gineia, gei mee gu madagu ga helekai, "Meenei Tagi go Yihowah, au guu mmada gi dau Dangada di langi gi ogu golomada!"
23 Gei Dimaadua ga helekai gi mee, "Di aumaalia gi madalia goe, hudee madagu. Goe hagalee made." 24 Malaa, Gideon ga haga duu dana gowaa hai tigidaumaha ang gi Dimaadua i golo, ga haga ingoo di maa bolo "Yihowah Shalom"6.24 "Yihowah Shalom" di ingoo deenei dono hadinga i nnelekai Hebrew boloo, "Dimaadua la go di Aumaalia." (Di mee deenei le e duu hua igolo i Ophrah, tenua ni di madahaanau o Abiezer.)
Domínio Público. Esta tradução bíblica de domínio público é trazida a você por cortesia de eBible.org.