Jesus i di hale o Simon di Pharisee
36 Dahi Pharisee ne gahi a Jesus belee miami ginaua hiahi, gei Jesus gaa hana gi di hale o maa, gaa noho gi lala ga miami. 37 Lodo di waahale deelaa, iai di ahina e mouli huaidu. Mee guu longo bolo Jesus e miami i di hale o di Pharisee, gei mee ga gaamai dana loloaabi ne hai gi nia ‘albaster’ e honu lolo kala,7.37 Matthew 26.7; Mark 14.3; John 12.3 38 mee gaa duu i tua Jesus ga bala gi lala gi baahi nia babaawae o Maa, ga dangidangi mo di haga tiu nia babaawae o Maa gi ono dangi, ga omo nia babaawae o Maa gi ono ngaahulu, gaa hongi, ga hagatulu gi di lolo kala.
47 Gei Au e helekai adu bolo di aloho damanaiee ne haga modongoohia go mee, e haga modongoohia bolo ono huaidu logowaahee la gu maahede, gei tangada dela ne maahede ono huaidu hogoohi, e haga modongoohia hua go dono aloho dulii."
48 Gei Jesus ga helekai gi di ahina, "O huaidu la gu maahede."
50 Gei Jesus ga helekai gi di ahina, "Go do hagadonu dela ne daa mai goe gi daha mo di made. Hana i di aumaalia."
Domínio Público. Esta tradução bíblica de domínio público é trazida a você por cortesia de eBible.org.