23 Jesus gaa mmada gi ana dama agoago, ga helekai gi digaula, "E haingadaa huoloo gi digau maluagina di ulu i Teenua King o God."
24 Nia dama agoago a Maa gu gologolo gi ana helekai. Jesus ga helekai, "Agu dama, e haingadaa huoloo di ulu i Teenua King o God! 25 Tangada maluagina ma ga ulu i Teenua King o God le e koia e haingadaa i di manu ‘camel’ ma ga ulu laa lodo di bongoo di iwi dui mee."
26 Gei nia dama agoago gu gologolo huoloo, ga leelee boloo, "Malaa, koai dela gaa mee di mouli?"
27 Jesus ga mmada adu gi digaula, ga helekai, "Di mee deenei e deemee i baahi tangada, gei e mee hua i baahi o God. Nia mee huogodoo e mee i baahi o God."
Domínio Público. Esta tradução bíblica de domínio público é trazida a você por cortesia de eBible.org.