4 Digaula ga helekai, "Moses guu wanga di mogobuna gi taane e hai di beebaa haga maewae, gei taane la gaa mee di diiagi dono lodo."✝10.4 Deuteronomy 24.1-4; Matthew 5.31

5 Jesus ga helekai gi digaula, "Moses ne hihi taganoho deenei, idimaa, goodou ala e aago ngadaa. 6 Mai taamada i di madagoaa nia mee ne hai, di Beebaa Dabu gu helekai boloo,

‘God ne hai taane mo di ahina.✝10.6 Genesis 1.27; 5.2

7 Deenei tadinga taane gaa tanga gi daha

mo dono damana mo dono dinana,

gaa buni gi dono lodo.✝10.7 Genesis 2.24

8 Meemaa dogolua guu hai hua tuaidina e dahi.’

"Meemaa gu hagalee dogolua, guu dahi. 9 Di mee a God dela ne haga puni, gi hudee wwae ina go tangada."