Jesus e hagi aga di mooho o di Hale Daumaha
1 Di madagoaa Jesus ne hagatanga i di Hale Daumaha, tangada i ana dama agoago ga helekai, "Tangada Agoago, mmada gi nia hadu mono hale ala e humalia!"
2 Jesus ga helekai anga, "Goe e gidee nia hale humalia aanei? Di hadu e dahi gaa dubu i dono lohongo ai. Nia hadu huogodoo ga meheu gi lala."
Nia haingadaa mono haga huaidu
(Matthew 24.3-14; Luke 21.7-19)
3 Jesus nogo noho i hongo di Gonduu Olib, i di baahi adu gi di Hale Daumaha, gei Peter, James, John mo Andrew ga mmaanege adu gi baahi o Mee, ga heeu gi Mee mada ginaadou, 4 "Meenei, hagia mai be nia mee aanei le e hai ma gaa hee, ge hagailongo gi di aha, bolo ma gu hoohoo gaa hai?"
Domínio Público. Esta tradução bíblica de domínio público é trazida a você por cortesia de eBible.org.