Mateus 1

20 I dono hagamamaanadu hua beenei, tangada di langi o Dimaadua ga hanimoi i lodo di moe, ga helekai, "Joseph, tangada mai di hagadili o David, goe hudee madagu di lahi a Mary e hai doo lodo, idimaa, mee e hai dama i di Hagataalunga Dabu. 21 Mee ga haanau dana dama daane, gei goe gi wanga ina dono ingoo go Jesus*1.21 Jesus: Di ingoo deenei dono hadinga i nnelekai Hebrew boloo, "Yihowah e haga mouli", dono hadinga bolo Mee ga haga dagaloaha ana daangada gi daha mo nadau huaidu."✝1.21 Luke 1.31 22 Nia mee huogodoo aanei ne belee haga kila aga nia helekai Dimaadua ang gi soukohp bolo gi haga iloo ina,

23 "Tama ahina madammaa ga hai dama,

ga haanau dana dama daane,

ga haga ingoo bolo Immanuel,

dono hadinga boloo, God e madalia gidaadou."✝1.23 Isaiah 7.1

24 Joseph ga ala aga, gaa lodo gi Mary gii hai be nia helekai tangada di langi o Dimaadua. 25 Malaa, Joseph digi haga gila ina di hiihai mouli o taga hai lodo ang gi Mary i mua di haanau di tama. Joseph gaa wanga di ingoo o Maa go Jesus.✝1.25 Luke 2.21