38 Digau haga donudonu haganoho mono Pharisee ga helekai gi Jesus, "Tangada agoago, gimaadou e hiihai e mmada gi au mogobuna."✝

39 Jesus ga helekai, "Nia daangada dolomeenei gu huaidu huoloo gei gu hagalee manawa dahi! Goodou bolo Au gi heia dagu mogobuna? Di mogobuna e hai adu gi goodou ai, dela hua go di mogobuna ne hai gi soukohp Jonah.✝ 40 Di hai o Jonah nogo noho i lodo tinae o di iga damanaiee i nia laangi e dolu ge dolu boo, e hai be Tama Tangada, gaa noho i lodo di gelegele i nia laangi e dolu ge dolu boo.✝