Hiihai gi dahi mogobuna
1 Nia Pharisee mono Sadduccee ne lloomoi gi Jesus belee hai a Mee gii hala. Ne helekai gi Mee gi heia dana mogobuna gi gidee ginaadou bolo God le e madalia Ia.16.1 Matthew 12.38; Luke 11.16 2 Jesus ga helekai gi digaula, "Di madagoaa di laa ga ulu, gei goodou e helekai boloo, ‘Daiaa le e humalia, idimaa, di langi le e mmee.’ 3 Gei luada loo goodou e helekai boloo, ‘Dangi nei la ga uwauwa, idimaa, di langi le e mmee gei e haga bouli.’ Malaa, goodou e mee di iloo nia hagamodongoohia i di gili di langi, gei e deemee di iloo nia haga modongoohia o nia laangi aanei!
4 "Digau dolomeenei la gu huaidu huoloo, gei gu hagalee manawa dahi! Goodou e tangi mai gi di Au i di mogobuna? Deeai, delaa hua go di mogobuna ne hai gi Jonah gaa hai ko Au adu gi goodou."16.4 Matthew 12.39; Luke 11.29
Gei Mee ga diiagi digaula gaa hana.
Nia ‘yeast’ o nia Pharisee mono Sadduccee
(Mark 8.14-21)
Domínio Público. Esta tradução bíblica de domínio público é trazida a você por cortesia de eBible.org.