13 Jesus ne hana gi di gowaa hoohoo gi di waahale Caesarea Philippi, ge Ia ga heeu gi ana dama agoago, "Nia daangada le e helehelekai bolo Tama Tangada la koai?"
16 Simon Peter ga helekai, "Goe go di Mesaia, go Tama di God Mouli!"16.16 John 6.68-69
21 Daamada i di madagoaa deenei, Jesus ga helekai hagammaa ang gi ana dama agoago, "Au e hai loo gii hana gi Jerusalem e kae dogu hagaduadua damanaiee mai baahi nia dagi mmaadua, mo nia dagi hai mee dabu, mo nia gau haga donudonu haganoho. Au ga daaligi gii made, gei i muli nia laangi e dolu gei Au ga haga mouli aga."
22 Peter gaa lahi Jesus gi mada ginaua, gaa hai ono ngudu gi mee, "Meenei dogu Dagi, Dimaadua gi bule ina di mee deenei gi de tale adu gi di Goe!"
23 Jesus gaa huli gi daha mo Peter ga helekai, "Setan, hana gi daha mo Au! Goe e haga deaadee Au, idimaa, au maanadu la nia maanadu hua dangada, hagalee nia maanadu mai baahi o God."
24 Jesus ga helekai gi ana dama agoago, "Maa dahi dangada bolo ia e hanimoi gi di Au, geia gi wanga ina dehuia dono huaidina, aamo ina dono loobuu, daudalia mai Au.16.24 Matthew 10.38; Luke 14.27 28 Au e hagi adu gi goodou di tonu bolo hunu gau i ginei ga hagalee mmade, gaa dae loo gi nadau gidee gi Tama Tangada dela ga hanimoi gadoo be dahi king."
Domínio Público. Esta tradução bíblica de domínio público é trazida a você por cortesia de eBible.org.