Matthew 16

Peter e haga modongoohia aga di hai o Jesus

13 Jesus ne hana gi di gowaa hoohoo gi di waahale Caesarea Philippi, ge Ia ga heeu gi ana dama agoago, "Nia daangada le e helehelekai bolo Tama Tangada la koai?"

14 Digaula ga helekai, "Hunu daangada e hai bolo Goe go John Babdais, hunu daangada bolo go Elijah, hunu daangada bolo go Jeremiah be tei dangada i nia soukohp."✝16.14 Matthew 14.1-2; Mark 6.14-15; Luke 9.7-8

15 Gei Mee ga heeu gi digaula, "Goodou e hai bolo Au koai?"

16 Simon Peter ga helekai, "Goe go di Mesaia, go Tama di God Mouli!"✝16.16 John 6.68-69