Mateus 17

Jesus guu huli gu madamada

1 I muli nia laangi e ono, Jesus gaa lahi a Peter mo tagahaanau go James mo John gi tomo dahi gonduu nnoonua, ga mada ginaadou i golo.✝17.1 2 Peter 1.17-18 2 Gei Mee gu dina gee i nadau mua, ono hadumada gu maahina iaa be di laa, gei ono gahu guu kene gu madamada. 3 Ana dama agoago dogodolu guu mmada gi Moses mo Elijah e helehelekai gi Jesus. 4 Peter ga helekai, "Meenei dogu Dagi, ma koia e humalia go tadau noho i ginei! Maa Goe e hiihai, gei au gaa hau nia damaa hale e dolu i ginei: e dahi ni oou, e dahi ni Moses, ge dahi ni Elijah."

5 Di madagoaa hua a mee nogo helehelekai beenei, di gololangi maahina gaa gahu digaula, gei di lee ga hanimoi i lodo di gololangi, ga helekai, "Deenei dagu Dama dela e aloho iei Au. Goodou hagalongo gi Mee!"✝17.5 Genesis 22.2; Deuteronomy 18.15; Pisalem 2.7; Isaiah 42.1; Matthew 3.17; 12.18; Mark 1.11; Luke 3.22