20 Di lodo Zebedee ne hanimoi gi Jesus mo ana dama daane dogolua, ga dogoduli gi mua o Jesus, gaa dangi gi Mee.
21 Jesus ga heeu, "Ma di aha dela e hiihai ginai goe?"
Di ahina deelaa ga helekai, "Meenei, heia dau hagababa mai gi di au, bolo Goe ga haga noho agu dama daane dogolua aanei, e dahi i do baahi gau donu, gei e dahi i do baahi gau ihala i do madagoaa ma gaa king iei Goe."
24 Nia dama agoago dilongoholu ne longono ginaadou, gu hagawelewele huoloo gi tagahaanau deenei. 25 Jesus ga gahi mai digaula huogodoo gi di gowaa e dahi, ga helekai gi digaula, "Goodou e iloo bolo nia dagi o digau tuadimee e mogobuna di benebene digau o nadau henua, gei digau aamua e dagi nia daangada.20.25 Luke 22.25-26 26 Gei e hagalee hai beenei i godou mehanga. Maa iai tangada i goodou bolo ia gi aamua, geia gii hai tangada hai hegau ni goodou.20.26 Matthew 23.11; Mark 9.35; Luke 22.26 27 Maa iai tangada i goodou e hiihai e hai di tagi aamua, geia gii hai di hege. 28 E hai gadoo be Tama Tangada dela ne hanimoi, hagalee bolo nia daangada gi hege anga gi de Ia, gei e hege gi nia daangada, ge e wanga dono mouli belee haga dagaloaha digau dogologo."
Jesus e haga gidee nia daane deegida dogolua
(Mark 10.46-52; Luke 18.35-43)
Domínio Público. Esta tradução bíblica de domínio público é trazida a você por cortesia de eBible.org.