69 Peter e noho i lodo di abaaba o di hale, gei tama ahina hai hegau o tagi aamua hai mee dabu ga hanimoi gi mee, ga helekai, "Goe nogo madalia labelaa a Jesus o Nazareth!"
70 Gei mee ga haga de iloo ia i mua digau huogodoo aalaa boloo, "Au e de iloo eau di mee deenaa e helekai iei goe!"
72 Peter ga haga de iloo ia ga helekai, "Au e helekai hagamodu bolo au e de iloo taane deenaa!"
74 Gei Peter ga helekai, "Au e hai dagu hagamodu bolo au ga hagi aga di tonu! God gi hagaduadua ina au maa au ga helekai hai gee! Au e de iloo taane deenaa!"
Di madagoaa hua deelaa, gei teduu gaa wolo. 75 Peter gu langahia nia helekai a Jesus ne hai ang gi deia boloo, "I mua teduu ma gaa wolo, gei goe ga haga de iloo Au haga dolu." Gei mee gaa hana gi daha ge dangi wawwawe aga i ono lodo.
Domínio Público. Esta tradução bíblica de domínio público é trazida a você por cortesia de eBible.org.