13 I di madagoaa deelaa, gei Jesus ne hanimoi i Galilee gi Jordan, belee babdais go John. 14 Gei John belee hai a Jesus gii huli ana maanadu, ga helekai gi Mee, "Ma ko au dela belee babdais Kooe, gei Goe e hanimoi bolo au gi babdais ina Goe!"
15 Jesus ga helekai, "Heia hua gii hai beelaa dolomeenei, idimaa, deenei di hai gaa mee gidaua di haga gila aga di manawa o God." Gei John guu baba ginai.
16 Jesus ne lawa di babdais, geia ga manawa aga gi daha mo nia wai, di langi gu mahuge, gei Jesus ga gidee Ia di Hagataalunga o God e haneia be di mwuroi, gaa dogo gi hongo o Mee. 17 Gei di lee ga helekai ieia i di langi, "Deenei dagu Dama dela e aloho ge e tene ginai Au."3.17 Genesis 22.2; Pisalem 2.7; Isaiah 42.1; Matthew 12.18; 17.5; Mark 1.11; Luke 9.35
Domínio Público. Esta tradução bíblica de domínio público é trazida a você por cortesia de eBible.org.