43 "Goodou gu longono di agoago boloo:
‘Goe gi aloho i tangada dela i do baahi,
gei gi hagadugina i do hagadaumee.’5.43 Leviticus 19.18
44 "Gei Au e hagi adu gi goodou bolo gi aaloho i godou hagadaumee, gei gi dalodalo i digau ala e hagahuaidu goodou, 45 gii hai goodou nia dama ni Tamana dela i di langi, dela e haga hobo dana laa gi hongo digau huaidu mo digau humalia, gei e haga doo dana uwa gi hongo digau ala e hai nia mee humalia mo digau ala e hai nia mee huaidu. 46 Maa goodou e aaloho hua i digau ala e aaloho i goodou, malaa, God e hagahumalia goodou behee? Digau hagabudu dagitedi le e hai labelaa beenei!
Domínio Público. Esta tradução bíblica de domínio público é trazida a você por cortesia de eBible.org.