Hosea 3

Hosea mo di ahina de manawa dahi

1 Dimaadua ga helekai mai, "Hana labelaa, hagi anga ina do aloho gi di ahina dela e mouli huaidu be di manu ang gi ono ehoo daane. Goe gi aloho i mee, gadoo be dagu hai dela e aloho hua igolo i digau Israel, ma e aha maa digaula la guu huli gi nia balu ieidu mo di hiihai e tigidaumaha nia huwa laagau haga maangoo ‘raisin’ ang gi nia ada balu ieidu."

2 Malaa, au gaa hui di ahina deelaa gi nia bahihadu silber e madangaholu maa lima, ge e hidu peege ‘barley’. 3 Au gu helekai gi mee bolo mee gi noho hua talitali au di madagoaa looloowehaa gi hudee huihuia dono huaidina, be hudee hai be di manu, gei au ga talitali a mee i lodo hua di madagoaa deelaa.