36,37 Он дага джянас опэр дром тай одова вахыти пашылэ савэ-то панестэ.

— Дикх, аки пани, — пхэнляс о евнух. — Со на дэл ман тэ лав болдипэ?*8.36-37 Андэ сарсавэ гречески лилэндэ аякхажэ си адала зборэс: «О Филипп пхэнляс: — Тэ пакяс ту алаи илэса, лэ. — О евнух пхэнляс: — Мэ пакяв, кай о Исус Христос — о Чяво э Дэвлэско».

38 Ов пхэнляс тэ тэрдярэн о урдон, ли о дуй он, о Филипп тай о евнух, динэ андэ пани, тай о Филипп болдяс лэс. 39 Ай кана он никлистэ андар пани, о Духос э Сагбуско гелдяс э Филиппес, тай о евнух лэс генэ на дикхляс. Лошано ов гело по дром.