Lucas 13

12 Дикхляс ла, о Исус диняс икос ла тай пхэнляс:

— Джювлие! Ту кутардимэ тэ дукхатар!

13 Ов тхэдяс опэр латэ Пэ васта, тай ой бирдэн гортили тай лиляс тэ махтадиел э Дэвлэс. 14 О баро э синагогако холясаило, кай о Исус аиндэрды андэ суббота, тай ов пхэнляс э манушэнги:

— Си шов дес, кана камэл тэ керэс бути. Аки одола деса элан аиндэрдиен, ами на андэ суббота.

15 Адалэски о Сагбус пхэнляс лэски:

— Домонгерэ! Та со, андэ суббота тумэ алаи на пхутрэн андэ арани э гурувэс я джёрэс тай на гелэс лэс тэ пиявдярэн? 16 Тай на камэл тэ пхутрас э джянджир э дукхаки андэ суббота ли адалэ джювлятэ, э екх андар чяя ки Авраамески, аки, дэшуохто брэш пханля астарэлас ла о Сатанас?