1 গেলেপুন সির্মাং তায়্ম, বার্নাবাস কে ইদি কাতে অটঃহঅগে জেরুসালেমতে সেএঃনাঞ হেৎদ তিতকে হঅ ইঞ লঅ ইদি ধরাঃআ লিঃইআঞ।

2 ঈশ্বর রাঃআ সদর বাত্লা লেকাতেঞ হান্ডে সেন লেনাঞ। হান্ডে গুনমান হাগা মিসি কু লঅ নাপাম লেনাঞ হেৎদ ইঙ্কূকে ইনা বুগিন জাগার বাব্ত্তে গামা তাৎ কুয়াঞ, অকা ইঞ বিন যিহুদি কুরাঃআ তালারে পাসনা তানাঞ। মেন্খান মানতান মন্ডলী আগুয়ান কুরাঃআ হান্ডে দ উকু দহ কেৎআঞ, চিয়া চি সারি বুঝাইঞ কেনা, ঈশ্বর রাঃআ নাতিনাং যে কামীইৎ কেনাঞ, কামীটা বেসা চি ল্হয়। যদি বেশ ল্হয়, এন্খান বৃথক ইঞাঃআ কামী।

3 হেৎদ চি, তীত, অকয় ইঞ লঅ তাহিলেনায়, ইনিদ গ্রীক হই কাতে রহঅ সুনু গেত নাতিনাং কালে পাতিয়া দাড়ি তুকা তিয়া।

4 উকু উকুতে হিচা কানাকু ইঙ্কূ কথক হড় ভন্ড হাগা মিসি কু নাতিনাং নেকা হ্যুয়েনা; খ্রীস্ট জিশুরে আবুয়াঃআ অকা স্বাধীন মেনাআ, ইনা রাঃআ গুন্হা পাঞ্জা নাম নাতিনাং ইঙ্কূ উকু উকুতে কু বলঃঅ হিচা কানা, যাতে আবুকে দাস কাতেকু দহ দাড়িযাবু কাঃআকু।

5 আলে মিৎ টুঢাং হঅ ইঙ্কূ য়া অধীনতা কালে মানা তাৎআ, যাতে বুগিন বার্তা রাঃআ সার্তিতা আপেয়া হান্ডে তাহীন কাআ।

6 হেৎদ অকয় কু মানতান মেন্তে কু সদর তানা ইঙ্কূ ইঞাঃআ হান্ডে জাহান হক বাআয় না, ইঙ্কূ চিল্কান হড় কু তাহি লেনা, ইঙ্কূ লিয়া আলেয়া জাহানা কা বুহাল সেনা, ঈশ্বর মান্মি রাঃআ ধরবার কায় নেলেয়ায়। ইঙ্কূ মান্তান হড়কুদ ইঞকে জাহানাআ কাকু এমাঞ তানা;*2:6 ২কিন্থিয 11 :5, দ্বিতীয় বিবরন 10 :7,

7 বরংচ ইনাতে নেলেনা,অসুনু গেত ইহুদি কু রাঃআ তালারে ইঞ কে চিল্কা বুগিন বার্তা পাসনা রাঃআ ভার এম হ্যুয়েনা এঙ্কাগে সুনু গেত ইহুদিকু রাঃআ তালারে পিতর কে হঅ এনেএঙ্কাগে এম হ্যুয়া কানা

8 চিয়াচি সুনু গেৎ ইহুদি কুরাঃআ হান্ডে কুলতিইচকামী নাতিনাং ঈশ্বর পিতর রাঃআ কামী পুরাঃআ তাৎ আয়, এঙ্কাগে ইনি বিনইহুদি নাতিনাং ইঞ কে লিয়া হঅ কামী পুরাঃআ কেৎ আয়।

9 চিন্তং ইঙ্কূ সারি নামকেৎআকু যে ইঞকে ইনা দায়াদুলাড় এমাকানা, ইন্তং যাকোব, কৈফা হেৎদ যোহন অক্য়্কু গুপিচকু লেকা চিহ্নামেনাকুয়া, ইঞকে হেৎদ বার্নাবে কে সহভাগিতা রাঃআ ম্যাডী তিহিকু এমাৎলিঞাকু, যাতে আলিঞ বিনইহুদি কুরাঃআ হান্ডে সেনা, হেৎদ ইঙ্কূ দ সুনুগেৎ কু রাঃআ হান্ডে কু সেনআ;

10 আসিতানাকু যাতে আলে রেগেঁচ হড় কুকেলে পাহাম কুকাঃআ; ইনা কামী নাতিনাং ইঞহঅ স্যাপড়াঞ তাহি লেনা।

11 মেন্খান কৈফা চিন্তং অন্তিয়াখিয়া দিসুম রে হিচ্ লেনায়, ইন্তং আয়া আ মচা চেতাং রে থুতি কেৎআঞ, চিয়া চি ইনিদ অপরাঃআধী তাহি লেনায়।

12 যাকোব রাঃআ হান্ডে হাতেৎ কথক হড় হিচু রাঃআ মারাঃআং তে কৈফা বিনইহুদি কু লঅ জম নু এৎ কেনায়, মেন্খান ইঙ্কূ হিচ্ তায়্ম সুনু গেৎ কুরাঃআ বরতে উকুরে হেৎদ বিনইহুদি হাতেৎ ভেগাররে তাহিন তানায়।*2:12 কুলিচ 10 :28, 11 :2 -3

13 হেৎদ কৈফা লঅ এটা যত ইহুদি পাতিয়ান হড় কু হঅ ভণ্ডা আচরন কেৎআকু; এন্খান দ চি, বার্নবা হঅ ইঙ্কূ য়া ভণ্ডামিতে লিল্কা নায়।

14 মেন্খান ইঞ চিন্তং নেল কেৎআঞ,ইঙ্কূদ বুগিন বার্তা রাঃআ সার্তি সরল হরাঃআতে কাকু সেসেন তানা, ইন্তং জ্ত্চ রাঃআ হাজিরাঃআনরে কৈফাকে কুলি কিচআঞ, আম ইহুদি হুই কাতে রহঅ ইহুদি লেকা ল্হয়, মেন্খান এটা জাতি বিন ইহুদি লেকা আচরন তামাআ, তবেখান চিয়াআ বিনইহুদি কুকে ইহুদি কু লেকা আচরন নাতিনাং জোরেৎ কুয়াম?

15 আলেদ জাতিরে ইহুদি, আলে এটা জাতি বিনইহুদি কাই ল্হয়;

16 আটকার তাৎআঞ, ব্যবস্থা কামী লিয়াদ ল্হয়, যীশু খ্রীস্ট কে পাতিয়া রাঃআ মাধ্যম তে মান্মি ধার্মিক মেন্তে কু লেখাঃআ, ইনা নাতিনাং আলে হঅ খ্রীস্ট যীশুরে পাতিয়া কানালে, যাতে ব্যবস্থা রাঃআ কামীতে দ ল্হয়, মেন্খান খ্রীস্ট কে পাতিয়া নাতিনাং ধার্মিক লেখা হয়ুয়াঞ; চিয়া চি ব্যবস্থা রাঃআ কামী নাতিনাং যাহা হড়ম ধার্মিক মেন্তে কাকু লেখাআ।*2:16 রমীয় 3 :20 -22, ফিলিপিয় 3 :9,

17 মেন্খান আবু খ্রীস্ট রে ধার্মিক লেখা হুই রাঃআ কুরু মূটুই কাতে রেহঅ আবুকে যদি কাই ী মেন্তে চিপ্না বু এমেয়া, এন্খানদ্ খ্রীস্টদ্চি কাই রাঃআ দাস তানায়? ইনাদ এঙ্কা একেবারে লহয়গে!

18 চিয়া চি ইঞ অকাঃআ নীতি লাঁন্ধুড় গিডি তৎআঞ, ইনা অটহঅগে গাঁথা রুয়াড় লেখা নিঞ, এন্খান ইঞকেগে অপরাঃআধী মেন্তে জাহির কেৎআঞ।

19 ইঞ মাত ব্যবস্থা লিয়াগে ব্যবস্থা রাঃআ উদ্দেশ তেগেঞ গ্চাকানা, যাতে ঈশ্বর রাঃআ উদ্দেশ তেগে জীউৎ আঞ।

20 খ্রীস্ট লঅঞ ক্রশা কানাঞ, ইঞদজীউৎ হড় ল্হয়, মেন্খান খ্রীস্টদ ইঞাঃআ তালারেজীউৎ মেনইয়া; হেৎদ নাহাঃআ হড়মতে মেনাঞরে অকা জিউ মেনঃআ, ইনাদ ইঞাঃআ পটিয়াতে, ঈশ্বর রাঃআ হনরে পাতিয়া তেগে জীউৎ মেনাইঞা; ইনিগে ইঞকে দুলাড় কিইঞায়, হেৎদ ইঞ নাতিনাং আচ নিজেকেগে সম্পা কিইযায়।

21 ইঞ ঈশ্বর রাঃআ দায়াদুলাড় কাঞ বিফল তুকাঃআ; কারন ব্যবস্থা লিয়া যদি ধার্মিক হুই কআ, তবে খান খ্রীস্ট দ চি অকারন তে গ্চাকানায়?