লুক 1

যীশু খ্রিষ্ট রাঃআ জনম হেৎদ আয়া রুয়াড় হিজু রাঃআ সন্দেশ

26 চিন্তং ইলীশাবেৎ তুরুই বঙ্গা হর্ম হাম্বাল তাহীন কেনায় ইন্তং গ্যাব্রিয়েল সরগ নাগা কে ঈশ্বর গালিল দিসুমরাঃআ নাসরত নুতুমান শেহার তে মিয়াৎ ডান্গুয়া কুড়িহন রাঃআ হান্ডে কুল কিয়ায়

27 অকয় দ দাউদ কূল রিনিজ জোসেফ নুতুমিজ হড়লো হরচিন হুয়াকানা ইনি ডান্গুয়া কুড়িহনরাঃআ নুতুম মরিয়ম

28 সরগ নাগা আয়া কাতাতে হিচ কাতে গামকিয়ায় এ দায়াতে পেরেজাকানিজ কুড়ি হন আমাঃ বুগিনা হুইওকা ধার্তি আপু আমলো মেনাইয়া

29 মেন্খান্দ ইনি ইনা জাগার আয়ুম কাতে কুঠিন গে বরঃ কিইয়ায়্য় অটঃ হুশরে দঃহ কিইয়ায়্য় নিয়া দ চিলকালেকা জোহার তানা

30 সরগ নাগা ইনিকে গামকিয়ায় মরিয়ম আলম বরয়া চিয়াঃচি আম ঈশ্বর রাঃআ হান্ডে হাতেন দায়া নামতাম

31 আর নেলেম আমাঃ লা হিচ হাম্বালোআ হেৎদ মিয়াৎ কড়া হনকে জনমিয়ায় হেৎদ ইনি রাঃআ নুতুম যীশু দঃহয়াম।*1:31 জিসাই 7:14

32 ইনিদ মারাঃআং হড় হুইয়ায় অটঃ আয়কে আশু মাড়াং-মাপরাঃআং রাঃআ হন গামিয়াকু প্রভু ঈশ্বর আয়া আপু দাউদরাঃআ কূলান্ডূ আয়কে এমিয়ায়।*1:32 দুরাং মালা 132 :11; জিসাই 9 :6 -7,

33 ইনি যাকোব কূল রাঃআ চেতানরে যুগ যুগ রাঃআজ ইয়ায় অটঃ আয়া রাঃআজ কা মুচাৎ দঃআ।*1:33 2 সামুয়েল 7 :12, 16; ইফিসিয় 1 :8; দানিয়েল 2 :44

34 ইন্তং মরিয়ম সরগ নাগা কে গামকিয়ায় 'নিয়া চিলকালেকাতে হুইয়া ? চিয়া চি ইঞ মাত দাঁগুয়া কুড়ি হন

35 সরগ নাগা গাম রুয়াড় কিয়তে কুলি কিয়ায় রিলামালা আত্মা আয়া হান্ডে হিজু য়া হেৎদ আশু মাড়াং-মাপরাঃআং দাড়িতে উম্বুলমেয়ায় নিয়া খাতিরাঃআং অকয় রিলামালা তে জনমআয় ইনিকেগে ঈশ্বর রাঃআ রিলামালা হন মেতেন গামআয়

36 আর নেলেম আমাঃ গেয়াতি ইলিসাবেত ইনিহ বুঢিদিলাংরে কড়াহন হর্ম রে দঃহ লিয়ায় হড় ইনিকে আটকুড়া গামিকেনাকু নিয়া আয়া তুরুই বঙ্গা হর্ম হাম্বল মেনাইয়া

37 চিয়াঃচি ঈশ্বর রাঃআ হান্ডে কা হুই দাড়িয়া মেন্তে যাহানা বায়ায় না।*1:37 মথি 19 :26, জেরিমিয় 32:27

38 ইন্তং মরিয়ম গাম্কিইয়ায়্য় নেলেপে ইঞ প্রভু রাঃআ দাসি/কার্মি তানাইঞ আমাঃ জাগার লেকাতেগে ইঞ ল নেকা হুইওকা হেৎদ সরগ নাগা আয়া হান্ডে হাতেন নিরেনায়