17 Mna gamalagizo gano, siwagwaa bule nhogolwa, kwavija miting’hano yenu ya kumtambikila Mulungu yogala gehile kubanza ganogile. 20 Avo mwahaiting’hana mogesa moja lujo lwa Mndewa kumbe haili vivo bule. 21 Kwavija muulujo, kila imoja kolongola kusola lujo lwake mwenyego, kuno wayagwe wana nzala na wayagwe wakoligwa. 22 Vino, mweye mduhu kae za kudila na kung’wela? Hebu mowazeha kibumbila cha wanhu wamtogole Mulungu na kuwagela kinyala wanhu weliduhu kinhu? Vino niwalongele choni? Niwagwee nhogolwa? Siwagwaa nhogolwa kwa mbuli ayo!
27 Avo munhu yoyose yoja gate da Mndewa hebu kung’wela vihile kikasi acho cha divai, munhu ayo kotagusigwa kwa kulutendela vihile lukuli na damu ya Mndewa. 29 Kwavija munhu yoyose yoja na kung’wa bila kujuwa fambulo da lukuli lwa Mndewa, munhu ayo koja na kung’wa nhaguso yake mwenyego. 30 Lekaavo, wanhu bwando kumwenu wanyolila na watamu, na wanhu bwando wafa.
33 Avo ndugu zangu, mwahaiting’hana hamoja kuja lujo lwa Mndewa, kila munhu yambete miyage.