Mkalizi yanogile wa Yesu Kilisito
1 Avo gweye mwanangu Timoseo, gangamala mna ing’hekewa itulinayo mna ukuilumba na Yesu Kilisito. 2 Mafundizo gaja gauhulike nowapetela wanhu mgameso ga wanhu wengi, uwafunze gago wanhu wotamaniligwa, wodaha kuwafunza wayagwe vivija.
3 Funga umoyo mna gamagayo hamoja na tweye kamba mkalizi yanogile wa Yesu Kilisito. 4 Mkalizi mna ing’hondo koleka sang’hano za ugima wa siku zose muladi yamnogeze mkulu wa wakalizi. 5 Vivija munhu yokimbila kwa kuihuma hagweleligwa fungu mbaka yamambukize kwa kukweleleza malagizo ga kuihuma. 6 Mlimaji yosang’hana ng’hani kolondeka yawe wa ichanduso kupata vija visengigwe.
11 Ulonzi uno waukweli,
"Kamba tufa hamoja na Kilisito,
vivija tokuwa wagima hamoja nayo.
12 Kamba twahagendelela kufunga umoyo,
vivija totawala hamoja nayo.
Kamba twahambela,
na heyo vivija kotubela.
13 Kamba tweye hatutamaniligwa,
heyo kotamaniligwa,
kwavija hadaha kuviza."