Kwiza kwa Loho Yang’alile
1 Siku da Pentekoste vidivikile, wanhu wose wamtogole Yesu wakala waiting’hane hamoja. 2 Bahaja wanhu wahulika kinhu chobuma kulawa kuulanga kiigalile na beho kulu dibuma, kinhu acho kiimemeza ng’anda yose iwakalile wanhu awo. 3 Baho wona vinhu viigalile na lambi da moto, vipwililika na kumkwasa kila munhu yakalile aho. 4 Wanhu wose wamemezigwa Loho Yang’alile na wasonga kulonga kwa ulonzi uyagwe, kamba Loho viyawadahize kulonga.
16 Lakini, gano gago gayalongile mtula ndagu wa Mulungu Yoeli,
17 Mulungu kolonga, ‘Vino vivo vondanhende mna isiku ya uhelelo,
Nomgidila kila munhu Loho yangu.
Wanenu wa kimbigalo na wakitwanzi wolagula mbuli zangu,
wabwanga zenu wolagusiligwa vinhu na Mulungu,
wavele wenu wolota nzozi.
38 Petulo kawalongela, "Kila imoja wenu kolondeka yaleke nzambi na yabatizigwe kwa twaga da Yesu Kilisito, na Mulungu kozigela kumgongo nzambi zenu na mobokela Loho Yang’alile yeli nhuza.
41 Wanhu wengi wazitogola mbuli zake na wabatizigwa, wanhu gana malongo madatu wongezeka mkibumbila siku dijo.