3 Yesu kajuwa kamba Tata kamgwaa vinhu vose mmakono gake. Na kajuwa kamba kalawa kwa Mulungu na kochola kwa Mulungu. 4 Avo kenuka muulujo, keka hamgwazo mgolole wake, kasola kikumbi, kaifunga mkigudi. 5 Abaho kagida mazi mwiinongo, kasonga kuwasunha magulu wanahina zake na kuwahangusa kwa kija kikumbi kiyaifungile mkigudi. 6 Yesu kavika kwa Simoni Petulo, lakini Petulo kamuuza, "Mndewa, vino gweye kolonda kunisunha magulu niye?"
7 Yesu kamwidika, "Kinhenda sambi gweye hukijuwa bule, lakini baho kumwande kokijuwa."
8 Petulo kalonga, "Aka, gweye hunisunha magulu gangu hata siku dimoja!"
Yesu kamwidika, "Kamba sikusunha magulu gako, honda uwe mwanahina wangu bule."
12 Yesu viyamambukize kuwasunha magulu gao, kasola uja umgolole wake, kabwela hanhu hake haakalile muulujo. Kawauza, "Mujuwa habali niye nhenda vino kumwenu? 13 Mweye mong’hema niye Mfundiza na Mndewa, molonga goya kwavija vivo nili. 14 Niye Mndewa wenu na Mfundiza, niwasunha magulu genu. Avo na mweye molondeka muisunhe magulu genu. 15 Niye niwalagusila nzila, avo na mweye mutende kamba vija viniwatendeleni.